sexta-feira, março 17, 2006

Telenovela triste

O outro día, había una trama de paternidade dubidosa en Desperate Housewives, que, por certo, leva aquí de título Mujeres Desesperadas e non Amas de Casa Desesperadas, coma sería o lóxico. Ao día seguinte enteiramonos no traballo dun asunto que trataramos alí había un par de meses e que tomou unha evolución que os pode levar directamente a un talk show, por méritos propios. O argumento é así: parella casada con dous fillos. A muller marcha con outro en circunstancias ben bizarras: a parella acude a unha festa e, cando o home empeza a buscar onde está ela, resulta que marchara co amante... para non voltar á casa. Leva consigo ao fillo pequeno, que ten dous anos e deixa ao grande co pai. Comezan a separarse legalmente e adxudícanlle a custodia do pequeno á nai, cun réxime de visitas para o pai. Cando o pai vai buscar ao pequeno para as visitas, a nai sempre pon problemas (nada fora do desgraciadamente habitual), pero un día dille que non o pode levar, que non é fillo del. Tanto teima que él esixelle unha proba de paternidade, máis que nada, para quitarlle a excusa. A proba de paternidade dalle a razón a ela: non é fillo del. O home está destrozado, a familia do home (avós, tíos...), tamén... De súpeto, perderon un fillo, neto, sobriño... Por suposto, a pécora que creou a situación, non está disposta a que teñan relación ningunha co neno. Todo isto ocorre nunha vila duns cinco mil habitantes e vailles ser difícil tratar de esquencer.
Na trama da serie tiña gracia, na vida real, non a ten.
Posted by: hojasdehierba / 10:48 da tarde
Opinions:
Hai aqui nos EEUU un programa de tv que saen parellas facendo a proba do ADN e hai de todo.
A xente e que non ten un minimo de decoro e ata van cos nenos e o publico a insultar a muller e os nenos a chorar. Bueno, un circo.
# posted by Blogger acedre : 5:07 da manhã
 
Alucinante, enrevesado, estou intentanto imaxinar mentalmente as caras e os comentarios dos aborixes extremeños pero non dou collido a imaxe... que forte!!

Apretas
# posted by Blogger nenodanorita : 12:06 da tarde
 
O curioso é que coñezo un caso real semellante. Non, non ten graza ningunha na vida real.
# posted by Blogger Peke : 3:05 da tarde
 
Un programa con probas de ADN???? Vaia, que non se enteren por aquí, que igual o copian :S.
Apertas.
# posted by Blogger hojasdehierba : 1:17 da tarde
 
A miña parella está a vivir no traballo un caso semellante dentro das diferencias. Dicíalle eu a ela e ás súas compañeiras que de facerse unha teleserie coa súa historia (cornos, embarazos, curas, psiquiátricos...) ninguén a crería por esaxerada. Será por iso que non me gustan as teleseries.
# posted by Anonymous Anónimo : 9:03 da manhã
 
Na vida real algo así sería imposible de aturar...
# posted by Anonymous Anónimo : 7:36 da tarde
 
teño unha irmá avogada que sempre dí que as piores miserias atópanse nun divorcio. E conta histórias como a que contas ti porque o malo é que sonche moi comunes. E ten que levar a razón porque temos acá unha universidade que vende test de ADN para que os pais saiban se os fillos son deles. Ti picas un dedo teu e un do neno, levas a proba á universidade e en un tempo chamante e sabes se o fillo é teu. Como se un pai só fora o que da a vida...
# posted by Blogger torredebabel : 1:02 da manhã
 
Pois non é por nada pero aquí tamén hai un programa con probas de ADN e redobres de tambores.
Desde logo, o nome do teu blog vaille a esta historia que nin pintada.
# posted by Blogger leco : 2:45 da tarde
 
Torredebabel: con demasiada frecuencia nos divorcios, a xente aproveita aos fillos e o amor que se lles ten para facer dano ao "contrario"... Triste.

Leco, ¿Podería concretar onde é aquí??? Porque se é Galiza estame a entrar un desacougo no corpo...
Apertas.
# posted by Blogger hojasdehierba : 10:08 da tarde
 
Referíame ao estado. non sei en que canal: O Diario de Patricia
# posted by Blogger leco : 10:03 da tarde
 
Ese programa é noxento... pero non sabía que chegaran a dar o paso ata as probas de ADN :S
Ufff.
Apertas.
# posted by Blogger hojasdehierba : 1:31 da manhã
 
hai un programa que non sei se seguen a pór ou non en antena 3. creo que se chamaba "la hora de la verdad" ou algo así. facían probas de adn e tamén sometían á xente á maquina da verdade para saber se lle tiña postos os cornos á súa parella ou non... o mellor era cando as probas do adn dicían que o neno non era do marido e a muller, erre que erre, que si era seu...
# posted by Blogger xorna : 7:46 da tarde
 
Great work!
[url=http://hpvgtgiu.com/teul/lbqr.html]My homepage[/url] | [url=http://zjihydfg.com/jtcm/knmv.html]Cool site[/url]
# posted by Anonymous Anónimo : 11:18 da tarde
 
Nice site!
http://hpvgtgiu.com/teul/lbqr.html | http://avuyamem.com/kxpz/vbjd.html
# posted by Anonymous Anónimo : 11:19 da tarde
 
Enviar um comentário

<< Home

This page is powered by Blogger. Isn't yours?