quarta-feira, dezembro 07, 2005

Farinha

Pasamos a mini-ponte en Galiza, case todo o tempo na Ría, que anda abraiada polos sucesos da fin de semana. Curiosamente, xusto o día anterior o Fiscal Antidroga andaba por Vilagarcía falando de mafias e cómo atallalas. Coma sempre nestes casos, na conversa cos amigos, había alguén que negaba a existencia de tales mafias-mafias e falaba de ansias de protagonismo (que non é descartable que existan, claro). Ben, o certo é que sicarios, torturas, asesinatos, desaparecidos e axustes de contas parecen ser nos últimos tempos bastante habituais pola Ría... O que se escoita pola rúa en Cambados son comentarios como "son cousas deles", "xa saben no que se meten" e similares. A especie de complicidade social que había hai anos, desapareceu hai xa tempo. Coincido bastante, pero o certo é que cando hai un tiroteo nun pub, no medio da rúa, cando hai tal cantidade de xente co cerebro tan comido pola farinha que se convertiron en bombas andantes, a cousa empeza a asustar. Cando lemos que buscan a tres sicarios portugueses e dous de Cambados (e non eses socorridos colombianos ou rumanos) é difícil non pensar que xa está aquí, que quizáis xa non toca dicir que "sicilianización" sexa un termo esaxerado (un pouco largo sí que é...).
Falando doutro tema, non estaría mal que un (unha neste caso) xornalista que escribe sobre xuices coñecese a diferencia entre un Xuíz de Primeira Instancia e un Xuíz de Instrucción...
Posted by: hojasdehierba / 8:02 da tarde
Opinions:
Entón correspondería dicir: Vendeta!?.
:)
# posted by Anonymous Anónimo : 10:11 da tarde
 
Non o teñas en conta; a xornalista escribirá de tribunais, de concertos, de manifestacións, de información municipal, de traxedias, de vodas, de mortos, de vivos... Xa sabes: os xornalistas somos un oceano de coñecementos cun centímetro de profundidade. E o que pense que somos especialistas no que facemos, non sabe como as gasta hoxendía o xornalismo (sobre todo a presión das empresas, que non che dan tempo para que te prepares como sería desexable...)
# posted by Anonymous Anónimo : 12:38 da manhã
 
Hai anos tiven unha oferta para descargar contrabando en Cambados.
Non quixen meterme neses malos rollos e que ben fixen !.
Saudos.
# posted by Blogger acedre : 4:40 da manhã
 
Hola Marinha, benvida :).
Rabudo: Sei que tes razón, claro que sí, pero coas páxinas que encheu a Voz Edición Arousa facendo panexíricos sobre Vázquez Taín... carallo, a unha dalle por pensar se non debían de terse enterado a qué se adicaba exactamente. Parece o de Sofía Mazagatos, que admiraba moito a Vargas Llosa sen terlle lido nada nin ser quén de citar siquera o título de ningunha das súas obras.
Por se a alguén lle axuda deixo aquí a pista:
Primeira Instancia: Civil (divorcios, testamentos, débedas, desafiuzamentos, execucións hipotecarias, filiación... e un montón de cousas máis)
Instrucción: Penal (dirixen a investigación de delictos que logo axuizarán outros).
Acedre: non teñas dúbida de que fixeches moi ben. Os meus compis do colexio que se adican á farinha ou similares están todos gordos e feirrrrrmos ;-).
Unha aperta para cada un.
# posted by Blogger hojasdehierba : 6:59 da tarde
 
coma dí un xornalista arxentino moi bo que alguén dixo algunha vez: "Los periodistas son personas que completan su educación en público". Noutras palabras, pouco podese esperar de nos, os xornalistas. Apertas!
# posted by Blogger torredebabel : 12:07 da manhã
 
Great work!
[url=http://zsntjfuk.com/kyfc/klwg.html]My homepage[/url] | [url=http://ffnrnqww.com/seiu/gdgr.html]Cool site[/url]
# posted by Anonymous Anónimo : 8:38 da manhã
 
Thank you!
My homepage | Please visit
# posted by Anonymous Anónimo : 8:38 da manhã
 
Nice site!
http://zsntjfuk.com/kyfc/klwg.html | http://zvychqwn.com/gpry/bkzf.html
# posted by Anonymous Anónimo : 8:38 da manhã
 
Enviar um comentário

<< Home

This page is powered by Blogger. Isn't yours?