sexta-feira, outubro 28, 2005

Por terras de Galiza.

Boto uns días acompañando a unha persoa da familia nun marabilloso hotel a gastos pagos do SERGAS e iso fai que lea a edición en papel da Voz (desde o verán que non cheiraba un xornal galego en papel). Na contracapa quedo encantada de ver unha entrevista que un foreiro recentemente engadido ás miñas ligazóns lle fai a unha rapaza camioneira. Leo cun sorriso cada vez máis amplo, porque o que a rapaza conta de seu pai me recorda o que sempre me inculcou o meu: podo facer calquera cousa que poida facer outro, só fai é preciso que queira facela e me prepare para iso... Dicía a conductora do camión que cando lle preguntaba ao pai se había de ser quén de sacar o camión por un lugar estreito, él contestaballe que claro, se outros podían, ela tamén.
Recordo cando fun a vivir a Cádiz. Nunca fixera un viaxe de máis de 200 kms. conducindo soa. Miña nai preguntou se non sería moito os 1000 kms. Meu pai dixo que non: que eu tiña carnet e podía facelo igual que calquera. E sempre así.
Cando vexo ás veces a mulleres da miña idade criadas na inseguranza en sí mesmas, ainda agradezo máis a meus pais á confianza que sempre puxeron en min...
Posted by: hojasdehierba / 7:15 da tarde
Opinions:
Para iso estan os pais; para axudar e apoiar. Muita sorte tiveches con pais asi.
Un saudo.
# posted by Blogger acedre : 4:21 da manhã
 
Si, moita sorte tiveches cuns pais así.
# posted by Blogger Peke : 5:52 da tarde
 
Grazas por moitas cousas: primeiro, por lerme (seguro que o personaxe, tamén feminino de mañán luns na última non che fai tanta graza...); segundo, por disfrutar e identificarte co que dicía Lorena na entrevista ¡¡¡Xa me gustaría que outros que van de traxe tiveran a metade de cabeza que Lorena!!!; e, terceiro, por formar parte dese grupo nos que nos incluímos os que somos como somos porque uns pais confiaron en nós sin medida. Eu, niso, tamén son afortunado. Bicos.
# posted by Anonymous Anónimo : 9:51 da tarde
 
Non sei se o dixo alguèn ou soñeino: Cando sintes desexos de facer algunha cousa..polo visto xa tes a metade do traballo feito.
Unha aperta
# posted by Anonymous Anónimo : 1:08 da manhã
 
:)
Unha aperta para todos.
# posted by Blogger hojasdehierba : 11:05 da tarde
 
tol8025@hanmail.net

변경점..
# posted by Anonymous Anónimo : 12:36 da tarde
 
Enviar um comentário

<< Home

This page is powered by Blogger. Isn't yours?