domingo, junho 05, 2005

Medios non axeitados

O outro día cheguei de casualidade a un blog peculiar. Hai varios participantes que, segundo entendín, estaban todos eles facendo as prácticas de Periodismo (creo que debían ser de 3º, xa que comentaban que só lles quedaba un ano para rematar). Cada un escribía na lingua que lle petaba e algún dos participantes alternaba o galego e o castelán. Pero o que máis me chamou a atención é que non era un blog: era un foro que usaba como medio técnico un soporte de Blogspot.
E diredes algúns ¿e qué máis ten? Pois o conto é que, entre outras cousas, poñen verdes a profes seus que non terían máis que buscarse en google para topar ese comentarios, eles son perfectamente identificables (non é moi difícil chamar a TeleRibadumia, se existise, e preguntar quén fixo as prácticas alí o verán pasado) e nese medio público, falan constantemente de que poñen as mensaxes dende o traballo. Falan de pasada, por exemplo, con nome e apelido, dun ilustre blogomilleiro...
Todos este problemas se evitarían se tiveran artellado como medio de comunicación un foro privado (hainos gratuitos por aí... de google, por exemplo), que non deixa pegada e que só admite visitantes do grupo.
Son rapaces novos e, seguramente, iso os fai imprudentes... Pero non lles viría mal un pouco de dominio da Internet, as súas posibilidades e os seus riscos de cara ao exercicio da profesión que van a desenvolver dentro de nada.
Veremos se este verán siguen a darlle ao teclado, pode ser divertido.
Opinions: Publicar um comentário

<< Home

This page is powered by Blogger. Isn't yours?